Léif Rotarier,
Mir freeën eis, Iech op en aussergewéinlecht Event, den 40. Anniversaire vum Schengener Ofkommes
anzelueden. Dëse Jubiläum markéiert e wichtege Meilesteen an der europäescher Geschicht a
verkierpert d’Ideal vun enger onbehënnerter Beweegungsfräiheet vun de Bierger tëscht den Staaten
déi ënnerschriwen hunn.
Firwat feiere mir 40 Joer Schengener Ofkommes?
D’Schengener Ofkommes gouf den 14. Juni 1985 ënnerschriwwen a gouf d’Basis fir d’Ofschafe vun de
Grenzkontrollen tëscht de Participantenlänner, fir d’fräi Beweegung vun den europäesche Bierger ze
erliichteren. Fënnef Joer méi spéit, am Joer 1990, huet d’Schengener Konventioun d’Modalitéiten zur
Ëmsetzung vun dësem historeschen Ofkommes festgeluecht. Haut, wou aktuell Erausfuerderungen dës
fundamental Prinzipie a Fro stellen, ass et entscheedend, d’Bedeitung vun dësem Engagement a
Gediechtnes ze ruffen an dës Wäerter ze verdeedegen.
An dësem Kontext wëllt de Rotary Schengen-Mondorf zesumme mat de Grenzclibbs aus Däitschland,
Frankräich an der Belsch dëst Jubiläum begoen an drop opmierksam maachen, wéi wichteg et ass,
d’Schengener Ofkommes nees voll an ganz unzewenden.
Mir lueden Iech häerzlech an:
• Wéini? Den 14. Juni 2025
• Wou? Place du Musée zu Schengen
• Um? Rendez-vous um 14:30 Auer
Programm:
• Begréissungsried vum President vum Rotary Schengen-Mondorf
• Geféiert Visitt:
o vum neien Europäesche Musée zu Schengen (6, rue Robert Goebbels)
o vum Schëff Marie-Astrid, wou d’Ofkommes ënnerschriwwe gouf
o vum der Place de l’Étoile
• Éierewäin a geselleg Zesummekommen
Dresscode:
Mir bieden Iech, en wäisst Hiem oder eng wäiss Blus unzedoen. All Rotary-Logoen si wëllkomm.
Umeldung:
D’Umeldung leeft iwwer Polaris fir déi lëtzebuergesch Clibbs oder per E-Mail un
michel.sanna@outlook.com, mat der Unzuel vun de Participanten aus dem Club.
Loosst eis zesumme dësen historesche Fortschrëtt vun der europäescher Geschicht feieren an eisen
Engagement fir en vereent a grenzelos Europa bestätegen.
Mir freeën eis drop, Iech zahlräich ze begréissen!
D’Equipe vum Rotary Schengen-Mondorf
